సోషల్ మీడియా వేదికగా మంత్రి కేటీఆర్ మరోసారి అడ్డంగా బుక్కయ్యారు. పొరపాటుగా ఓ ఫొటో పోస్టు చేయడం పెద్ద దుమారం రేపుతోంది. వ్యాక్సినేషన్ ప్రక్రియ జోరుగా సాగుతోందంటూ రెండు ఫొటోలను ట్విటర్ లో ఆయన పోస్టు చేయగా.. ఆ ఫొటోల గుట్టును నెటిజన్లు బట్టబయలు చేశారు. మంత్రి హోదాలో ఉండి తప్పుడు సమాచారం ఎలా ఇస్తారంటూ ట్విట్టర్ వేదికగా మండిపడుతున్నారు. కేటీఆర్ తన వ్యక్తిగత ట్విటర్ ఖాతాలో రెండు ఫొటోలను జోడించి ఆశా వర్కర్ల గురించి రాసుకొచ్చారు. సీఎం కేసీఆర్ నాయకత్వం, తెలంగాణ ఆరోగ్య సిబ్బంది అంకిత భావానికి ఈ రెండు ఫొటోలే నిదర్శనమని వ్యాఖ్యానించారు. ఖమ్మం జిల్లా, రాజన్న సిరిసిల్ల జిల్లాల్లో వ్యాక్సినేషన్ జోరుగా సాగుతోందని పేర్కొన్నారు. అయితే, వీటిలో ఒక ఫొటోను ఏపీలోని విజయనగరం జిల్లాకు చెందిన పవన్ అనే వ్యక్తి ఈ నెల 12న పోస్టు చేశారంటూ కాంగ్రెస్ రాష్ట్ర వ్యవహారాల ఇన్ చార్జి మాణిక్కం ఠాగూర్ ట్విటర్ వేదికగా వెల్లడించారు. ‘కొడుకు మినిస్టర్ స్టిల్ ఇన్ అదర్ వరల్డ్’ అంటూ ఎద్దేవా చేశారు. ప్రజలను మోసం చేసినందుకు క్షమాపణ చెప్పాలని డిమాండ్ చేశారు.
అయితే, ఇక్కడ మరో ట్విస్టు కూడా ఉంది. కేటీఆర్ పోస్టు చేసిన అదే ఫొటోను ఈ నెల 19వ తేదీనే ఏపీ ఎంపీ విజయసాయిరెడ్డి ట్వీట్ చేశారు. “రాష్ట్రంలో కొవిడ్ పరిస్థితులు, వ్యాక్సినేషన్ పై గౌరవ ముఖ్యమంత్రి శ్రీ వైఎస్ జగన్ గారు ఎప్పటికప్పుడు సమీక్షిస్తూ ఉద్యోగులందరిలో స్ఫూర్తి నింపుతున్నారు. వైద్యారోగ్య సిబ్బంది అంకితభావంతో విధులు నిర్వహిస్తున్నారు. దీంతో రాష్ట్రంలో వ్యాక్సినేషన్ ఉద్యమంలా సాగుతోంది’’ అని పేర్కొన్నారు. విజయసాయిరెడ్డి పోస్టు చేసిన ఫొటోనే కేటీఆర్ కూడా పోస్టు చేసిన విషయాన్ని గుర్తించిన నెటిజన్లు.. తెలంగాణ మంత్రి పై మండిపడుతూ వరుస ట్వీట్స్ చేస్తున్నారు.
Two pics; one from Khammam District & the other from Rajanna Siricilla district ?
Whats common to both pictures is the commitment level of our healthcare workers ?
And the farm revolution ushered in Telangana under the able leadership of Hon’ble KCR Garu ? pic.twitter.com/ZJWbMhMoyA
— KTR (@KTRTRS) September 24, 2021
Koduku Minister still in other world ?. Claims the neighbouring state Andhra Pradesh success as theirs ….
How many years you cheat Telangana with Photoshopped images ? Will he say sorry and accept his mistake? ? https://t.co/XWs4chchso pic.twitter.com/ZLOsqigun7— Manickam Tagore .B??✋மாணிக்கம் தாகூர்.ப (@manickamtagore) September 24, 2021
