ఒక్కసారిగా మారిన రాజకీయ పరిణామాలతో ఏపీలో హింసాత్మక వాతావరణం నెలకొంది. టీడీపీ నేత పట్టాభి చేసిన వ్యాఖ్యలతో వైసీపీ కార్యకర్తలు టీడీపీ కార్యాలయాలపైన, ఆయన ఇంటి పైన దాడికి దిగారు. దీంతో వైసీపీ, టీడీపీ నేతలు పరస్పర విమర్శలు, ఆరోపణలు చేసుకుంటున్నారు. దాడులకు నిరసనగా చంద్రబాబు నాయుడు 36 గంటల దీక్షకు దిగారు.
By the way things are going A P politicians will soon have to train in boxing , karate , stick fighting etc
— Ram Gopal Varma (@RGVzoomin) October 21, 2021
ఈ నేపథ్యంలో ఆంధ్రప్రదేశ్‌ రాష్ట్ర రాజకీయాలపై వివాదాస్పద దర్శకుడు రామ్ గోపాల్ వర్మ వ్యంగ్యాస్త్రాలు విసిరారు. రాజకీయ నాయకులు బాక్సింగ్‌ నేర్చుకోవాలంటూ వ్యాఖ్యానించారు. వర్మ గురువారం ఉదయం ట్విటర్‌ వేదికగా ఏపీ రాజకీయాలపై కామెంట్స్‌ చేశారు. ‘‘ప్రస్తుతం ఆంధ్రప్రదేశ్‌లో ఉన్న పరిస్థితులు చూస్తుంటే అతిత్వరలో అక్కడి నాయకులు బాక్సింగ్‌, కరాటే, కర్ర యుద్ధం నేర్చుకోవాల్సి ఉంది…’’ అని వ్యంగ్యంగా అన్నారు. వర్మ చేసిన ఈ ట్వీట్ ప్రస్తుతం వైరల్ గా మారింది.
