శివ దర్శకత్వంలో సూపర్ స్టార్ రజనీకాంత్ హీరోగా తెరకెక్కుతున్న చిత్రం ‘అన్నాత్తే’. తెలుగులో ‘పెద్దన్న’గా ప్రేక్షకుల ముందుకు రానుంది. ఈ నేపథ్యంలో ఈ మూవీ తెలుగు మోషన్ పోస్టర్ ను విడుదల చేసింది చిత్రబృందం. శనివారం సాయంత్రం 5 గంటలకు టీజర్ ను విడుదల చేయనున్నట్లు వెల్లడించింది. ఈ సినిమాలో నయనతార హీరోయిన్ గా నటిస్తుండగా.. ఇమ్మాన్ మ్యూజిక్ అందిస్తున్నారు.
‘పెద్దన్న’ సినిమాను దీపావళి కానుకగా నవంబర్ 4న ప్రపంచ వ్యాప్తంగా విడుదల చేస్తున్నారు. తెలుగులో ఈ సినిమా హక్కులను ఏషియన్ సినిమాస్.. రూ. 12 కోట్లకు కొనుగోలు చేసినట్టు సమాచారం. గతంలో రజినీకాంత్ సినిమాలతో పోలిస్తే ఇది చాలా తక్కువ. ఈ సినిమాలో రజినీకాంత్ సరసన నయనతార, మీనా, కుష్బూ కథానాయికలుగా నటించారు.
రజినీకాంత్ ‘అన్నాత్తే’ సినిమా విషయానికొస్తే.. ఈ సినిమా షూటింగ్ ఎక్కువ భాగం హైదరాబాద్ రామోజీ ఫిల్మ్ సిటీలో జరిగింది. దాంతో పాటు కోల్‌కత్తాలో కూడా కొన్ని సన్నివేశాలను తెరకెక్కించారు. ‘పెద్దన్న’గా రాయల్ ఎన్‌ ఫీల్డ్ పై బైకుపై వస్తోన్న రజినీకాంత్ లుక్ ఆకట్టుకునేలా ఉంది.
