ప్రభాస్ ‘రాధేశ్యామ్’ సినిమా నుంచి కొత్త అప్డేట్ వచ్చింది. ఎపిక్ ల‌వ్‌స్టోరిగా రూపొందుతోన్న ఈ సినిమాను వ‌చ్చే ఏడాది సంక్రాంతి సందర్భంగా జ‌న‌వ‌రి 14న విడుదల చేయ‌బోతున్న‌ట్లు నిర్మాతలు ఇప్పటికే ప్రకటించారు. ఈ నెల 23 నడార్లింగ్ ప్రభాస్ పుట్టిన రోజు. ఈ సందర్భంగా ప్రభాస్ సినిమాల నుంచి అప్డేట్ ఏమైనా వస్తుందా అని అభిమానులు ఎదురు చూస్తున్నారు. తాజాగా ‘రాధేశ్యామ్’ సినిమా నిర్మాతలు అభిమానులకి ఇవాళ శుభవార్త చెప్పారు.
ప్రభాస్ తర్వాతి సినిమా ‘రాధేశ్యామ్’ నుంచి ప్రభాస్ బర్త్ డే రోజున టీజర్ రిలీజ్ చేస్తామని తెలిపారు. దీనికి సంబంధించిన పోస్టర్ రిలీజ్ చేశారు. ఈ పోస్టర్ పై విక్రమాదిత్య ఎవరు? అని రాసి ఉంది. టీజర్ ని 23న ఉదయం 11 గంటల 16 నిమిషాలకి విడుదల చేస్తామని ప్రకటించారు.
యూర‌ప్ నేప‌థ్యంలో జ‌రిగే పీరియాడిక‌ల్ ల‌వ్‌స్టోరి ఇది. విక్ర‌మాదిత్య‌గా ప్రభాస్, ప్రేర‌ణ‌గా పూజా హెగ్డే ఎలా మెస్మ‌రైజ్ చేస్తారోన‌ని సినీ ఇండ‌స్ట్రీ ఆసక్తిగా ఎదురుచూస్తోంది. ఈ సినిమాకు సంబంధించిన మ్యూజిక్ గ్లింప్స్, ఓ వీడియో ప్రోమోను మాత్ర‌మే ఇప్ప‌టి వ‌ర‌కు యువీ క్రియేష‌న్స్ రిలీజ్ చేసింది. మరి ప్రభాస్ బర్త్ డేకి ఇదొక్కటేనా వేరే సినిమాల నుంచి ఇంకేమైనా అప్డేట్ లు వస్తాయా అని అభిమానులు ఆసక్తిగా ఎదురు చూస్తున్నారు.
Who is Vikramaditya? ? Stay tuned to find out in the #RadheShyam teaser, out on 23rd October! ☺️? Enjoy the teaser in English with subtitles in multiple languages! #GlobalPrabhasDay
Starring #Prabhas & @hegdepooja pic.twitter.com/MJU1p8UBlW
— UV Creations (@UV_Creations) October 20, 2021
