యంగ్ రెబల్ స్టార్ ప్రభాస్, బుట్ట బొమ్మ పూజా హెగ్డే కలిసి నటిస్తున్న చక్కటి ప్రేమ కథ చిత్రం ‘రాధే శ్యామ్’. ఈ రోజు శ్రీ కృష్ణ జన్మాష్టమి సందర్భంగా ‘రాధే శ్యామ్’ మూవీ ఫస్ట్ లుక్ ని రిలీజ్ చేసింది చిత్రం యూనిట్. ప్రేమ కి ప్రతిరూపం అయినా రాధా కృష్ణుల పండగ రోజున ‘రాధే శ్యామ్’ ఫస్ట్ లుక్ వచ్చింది. నెమలి పించం లా మెరిసిపోయేలా పూజా హెగ్డే,
పియానో వాయిస్తుండగా, జెంటిల్ మ్యాన్ లుక్ లో ప్రభాస్ ఆ వైపు చిరునవ్వులు చిందిస్తూ ఆప్యాయంగా చూస్తున్న ఆ పోస్టర్ క్లాసిక్ గా కనపడుతుంది. ఈ సినిమాను రాధా కృష్ణ కుమార్ డైరెక్ట్ చేస్తున్నాడు.
ప్రేక్షకులు మరచిపోలేని అనుభూతిని థియేటర్ల నుంచి తీసుకెళ్లేలా సినిమాను రూపొందిస్తున్నామని, ఎక్కడా ఎలాంటి చాన్స్ తీసుకోవట్లేదని దర్శకుడు రాధాకృష్ణ చెప్పారు. వచ్చే ఏడాది జనవరి 14న సినిమాను విడుదల చేస్తామన్నారు. జన్మాష్టమి రోజున రాధేశ్యామ్ పోస్టర్ ను విడుదల చేయడం ఎంతో ఉత్సాహంగా ఉందన్నారు.
1970ల్లో యూరప్ లో సాగిన భారతీయ జంట ప్రేమ కథ ఆధారంగా సినిమాను తెరకెక్కిస్తున్నారు. ఇటలీ, జార్జియా, హైదరాబాద్ లలోనే సింహభాగం షూటింగ్ ను చేశారు. భూషణ్ కుమార్, వంశీ, ప్రమోద్ లు సినిమాను నిర్మిస్తున్నారు. గుల్షన్ కుమార్, టీ సిరీస్ లు సమర్పకులుగా ఉన్నారు.
