స్టార్ హీరో కమల్ హాసన్ కూతురిగా ఇండస్ట్రీలోకి ఎంట్రీ ఇచ్చి.. టాప్ హీరోయిన్గా కొనసాగుతోంది శ్రుతి హాసన్. దాదాపు టాలీవుడ్ స్టార్ హీరోలందరితో స్క్రీన్ షేర్ చేసుకుంది. ప్రస్తుతం యంగ్ రెబల్ స్టార్ ప్రభాస్ సరసన ‘సలార్’ లో నటిస్తోంది. ఇదిలా ఉంటే.. అటు సినిమాలతోపాటు.. శ్రుతీ హాసన్ సోషల్ మీడియాలో చేసే అల్లరి ఎప్పుడూ ట్రెండింగ్‌లోనే ఉంటుంది. ప్రస్తుతం ముంబైలో ‘సలార్’ నాలుగో షెడ్యూల్ షూటింగ్ కొనసాగుతోంది.
తాజా షెడ్యూల్ లో పాల్గొనేందుకు ఇవాళ ముంబైలో ల్యాండ్ అయింది శృతిహాసన్. సెట్స్ లోకి రాగానే అభిమానులు, ఫాలోవ‌ర్ల‌లో జోష్ నింపేందుకు ఓ చిన్న వీడియో క్లిప్ ను ట్విట‌ర్ లో పోస్ట్ చేసింది. సలార్ సెట్స్ లో నా ఫేవ‌రేట్ డైరెక్ట‌ర్లలో ఒక‌రైన ప్ర‌శాంత్ నీల్ సార్ ను బాధిస్తూ..అంటూ ట్వీట్ చేసింది. శృతిహాసన్ చిలిపి చేష్ట‌ల‌ను ప్ర‌శాంత్ నీల్ కూడా తెగ ఎంజాయ్ చేసిన‌ట్టు వీడియో చూస్తే తెలిసిపోతుంది. సలార్ సెట్స్ లో డైరెక్ట‌ర్, హీరోయిన్ ఫ‌న్ టైం వీడియో ఇపుడు నెట్టింట్లో హ‌ల్ చ‌ల్ చేస్తోంది.ఆగ‌స్టులో సుమారు 10 రోజుల‌పాటు హైద‌రాబాద్ షెడ్యూల్ పూర్తి చేశారు. మిగిలిన భాగాన్ని శ‌ర‌వేగంగా పూర్తి చేసేందుకు శ్ర‌మిస్తోంది ప్ర‌శాంత్ నీల్ టీం. 2022 ఏప్రిల్ 14న విడుద‌ల కానుంది సలార్. హోంబ‌లే ఫిలిమ్స్ బ్యాన‌ర్ పై విజ‌య్ కిరగందూర్ ఈ చిత్రాన్ని నిర్మిస్తున్నారు. ర‌వి బ‌స్రూర్ మ్యూజిక్ డైరెక్ట‌ర్. అండ‌ర్ వ‌ర‌ల్డ్ యాక్ష‌న్ డ్రామాగా రాబోతున్న సలార్ పై భారీ అంచ‌నాలే ఉన్నాయి.
.@shrutihaasan On The Sets of #Salaar With @prashanth_neel Sir.
"Annoying One of My Fav Directors is one of my Favourite Things to Do". ?#Prabhas ❤️ pic.twitter.com/FF1uB1Mi6z
— Mass SeetiMaarr ?? (@RakeShPrabhas20) September 14, 2021
