సౌత్ ఇండియన్ బడా డైరెక్టర్ శంకర్, ఈయన నుండి సినిమా వస్తుంది అంటే అందరి కళ్ళు ఆయన సినిమా పైనే ఉంటాయి. కమర్షియల్ హంగులతో మంచి మెసేజ్ ఇచ్చే విధంగా ఈయన సినిమాలు ఉంటాయి. పలు భారీ చిత్రాలను రూపొందించి, భారీ విజయాలను సొంతం చేసుకున్నాడు. అందులో కొన్ని సినిమాలు అవార్డు విన్నింగ్ సినిమాలు కూడా వున్నాయి.
ఈ ప్రముఖ తమిళ దర్శకుడు శంకర్ కొత్త సినిమా చేస్తున్నారంటే చాలు అందరి కళ్లూ అటే చూస్తాయి. ఆ చిత్రానికి ఎక్కడ లేని క్రేజ్ వచ్చేస్తుంది. అందులోనూ ఆయన చేసేది మెగా హీరో రామ్ చరణ్ తో కావడంతో ఆయన తాజా ప్రాజక్టు కి మరింత క్రేజ్ వచ్చింది. ‘ఆచార్య’, ‘ఆర్ ఆర్ ఆర్’ చిత్రాల తర్వాత మెగా హీరో రామ్ చరణ్ చేసేది శంకర్ సినిమానే.
ప్రముఖ నిర్మాత దిల్ రాజు పాన్ ఇండియా మూవీగా ఈ చిత్రాన్ని భారీ బడ్జెట్తో నిర్మిస్తున్నారు. ఇందులో బాలీవుడ్ భామ కియారా అద్వానీ కథానాయికగా నటిస్తోంది. ప్రస్తుతం ప్రీ ప్రొడక్షన్ పనుల్లో భాగంగా ఆర్టిస్టుల ఎంపిక జరుగుతోంది. ఇప్పుడు దీనికి సంబంధించి ఓ అప్ డేట్ వినిపిస్తోంది.
అదేమిటంటే.. ప్రముఖ మలయాళ హీరో జయరామ్ ఈ చిత్రంలో ఓ కీలక పాత్రలో నటించనున్నాడట. ఈ సినిమాలో ఆయన పాత్ర నెగటివ్ షేడ్స్ తో సాగుతుందని అంటున్నారు. ఆమధ్య జయరామ్ తెలుగులో ‘అల వైకుంఠపురములో’ చిత్రంలో ఓ ముఖ్య పాత్ర పోషించిన సంగతి విదితమే. ఇక శంకర్-చరణ్ సినిమా షూటింగును వచ్చే నెలలో ప్రారంభించడానికి సన్నాహాలు చేస్తున్నారు. చరణ్ కి ఇది 15వ సినిమా. ఈ చిత్రానికి బిజీ సంగీత దర్శకుడు తమన్ మ్యూజిక్ చేయనున్నాడు.
