అగ్ర దర్శకుడు రాజమౌళి దర్శకత్వంలో ఎన్టీఆర్, రామ్‌చరణ్‌ కథానాయకులుగా తెరకెక్కుతున్న భారీ బడ్జెట్‌ చిత్రం ‘ఆర్ఆర్ఆర్’. ఇందులో అల్లూరి సీతారామరాజు పాత్రలో రామ్ చరణ్, కొమురం భీమ్ పాత్రలో ఎన్టీఆర్ కనిపించబోతున్నారు. బాలీవుడ్ బ్యూటీ అలియా భట్, ఒలివియా మోరీస్ హీరోయిన్లుగా నటిస్తుండగా.. శ్రియా శరణ్, అజయ్ దేవ్గన్లు కీలక పాత్రలలో నటించారు. ఇప్పటికే ఈ మూవీ నుంచి విడుదలైన పోస్టర్స్, ఇంట్రడ్యూసింగ్ వీడియోస్, ప్రమోషన్ సాంగ్ సోషల్ మీడియాలో రికార్డ్స్ క్రియేట్ చేస్తున్నాయి. ఇద్దరు స్టార్ హీరోలను ఒకేసారి స్క్రీన్ పై చూసేందుకు అభిమానులు ఆసక్తిగా ఎదురుచూస్తున్నారు. తాజాగా ఈ చిత్ర షూటింగ్ మొత్తం పూర్తయింది. ఈ విషయాన్ని నిర్మాణ సంస్థలు ట్వీట్ ద్వారా తెలియచేశాయి.
And thats a wrap! ??
Except a couple of pickup shots, we are officially done with the entire shoot of #RRRMovie. Incidentally finished with the same bike shot that we started with on November 19th 2018. pic.twitter.com/lfXErpTbSS— RRR Movie (@RRRMovie) August 26, 2021
ఒకటి రెండు పికప్ షాట్స్ తప్ప సినిమా షూటింగ్ మొత్తం పూర్తయిందని, నిర్మాణానంతర కార్యక్రమాలు శరవేగంగా జరుగుతున్నాయని, ఇతర అప్ డేట్స్ ని వీలయినంత త్వరగా ప్రకటిస్తామని తెలియచేశాయి. ఈ చిత్రాన్ని డీవీవీ ఎంటర్‌టైన్‌మెంట్‌ పతాకంపై డీవీవీ దానయ్య నిర్మిస్తున్నారు. అక్టోబరు 13, 2021న ఈ సినిమా ప్రపంచవ్యాప్తంగా విడుదల కానుంది.
