తెలుగు చిత్ర పరిశ్రమలో మెగాస్టార్ చిరంజీవి.. ఓ అధ్యయనం.. ఓ సంచలనం. ఎటువంటి బ్యాక్ గ్రౌండ్ లేకుండా సినీ పరిశ్రమలోకి వచ్చి నెంబర్ వన్ హీరోగా మారారు. ఆయన సినిమా విడుదల అయిందంటే థియేటర్ల వద్ద ఊహించని స్థాయిలో కోలాహలం ఉంటుంది. మాస్ డ్యాన్సులతో.. టపాసుల మోతలతో అభిమానులు చేసే హంగామా మామూలుగా ఉండదు. అభిమానులు ఆశించినట్లుగానే ఆయన సినిమాలు కూడా అద్భుతంగా ఉంటాయి.
చిరంజీవి న‌టించిన తొలి సినిమా ‘పునాది రాళ్లు’. అయితే, దానికంటే ముందు ‘ప్రాణం ఖ‌రీదు’ సినిమా విడుద‌లైంది. 1978, సెప్టెంబర్ 22న ఆ సినిమా విడుద‌లైన త‌ర్వాత చిరంజీవి వ‌రుస‌గా సినిమాల్లో న‌టించారు.. ప్రస్తుతం మెగాస్టార్‌గా వెలుగొందుతున్నారు. ఈ నేపథ్యంలో తన సినిమా ప్రస్థానాన్ని గుర్తు చేసుకుంటూ రీసెంట్‌గా చిరు ఓ ట్వీట్ చేశారు. ‘‘22Aug నేను పుట్టినరోజైతే 22Sept నటుడిగా నేను పుట్టినరోజు. కళామతల్లి నన్ను అక్కున చేర్చుకున్న రోజు. మీ అందరికీ నన్ను నటుడిగా పరిచయంచేసి మీ ఆశీస్సులు పొందినరోజు. నేను మరిచిపోలేనిరోజు. సోదరసోదరీమణులుగా ఇది సాధ్యం అయ్యేలా చేసినందుకు నాకు చాలా ఆనందంగా, గర్వంగా ఉంది నాకు’’ అంటూ ఆయన ట్వీట్ చేశారు.
22Aug నేను పుట్టినరోజైతే 22Sept నటుడిగా నేను పుట్టినరోజు.కళామతల్లి నన్ను అక్కున చేర్చుకున్న రోజు.మీ అందరికి నన్ను నటుడిగా పరిచయంచేసి మీ ఆశీస్సులు పొందినరోజు.నేను మరిచిపోలేనిరోజు.
Feel humbled & grateful for the invaluable❤️of lakhs of my bro’s & sisters this day made possible?
— Chiranjeevi Konidela (@KChiruTweets) September 22, 2021
