మన చుట్టు ఉండే పండ్లు మరియు కూరగాయల్లో ఎన్నో రకాల ఆయుర్వేదిక గుణాలు ఉటాయి. కాని మనం వాటిని గుర్తించక పోవడం వల్ల ఆరోగ్యం ఇచ్చే వాటిని పక్కకు పెట్టి డాక్టర్లు ఇచ్చిన మందులను వేసుకుంటున్నాం. డాక్టర్ మందుల వరకు వెళ్లకుండా ఉండాలంటే మొదటగా మనకు ఏ సమస్య వచ్చినా కూడా మన చుట్టు ఉన్న వాటితో నయం అయ్యే అవకాశం ఉందా అనేది చూసుకోవాలి. అంటు చిన్న చిన్న స సమస్యలకు ఎలా అయితే ఇంట్లో ట్యాబ్లెట్స్ ఉంటాయో అలాగే ఇంట్లో కూడా మన సమస్యలకు పండు లేదా ఏదైనా పదార్థం లేదా పప్పు దినుసుల రూపంలో ఉంటాయి. మనం వాటిని గుర్తించి ఉపయోగించినట్లయ్యితే ముందు ముందు ఎలాంటి సమస్యలు రాకుండా ఉంటాయని నిపుణులు చెబుతున్నారు. చాలా మంది ఇష్టంగా తినే బొప్పాయి కాయల వల్ల ఎన్ని రకాల ప్రయోజనాలు ఉన్నాయో మీకు తెలుసా.. ఆ ప్రయోజనాలు తెలియకుండానే చాలా మంది బొప్పాయి తింటూ ఉంటారు.
బొప్పాయి రెగ్యులర్ గా కాకుండా అప్పుడప్పుడు తినే వారికి కూడా చాలా అనారోగ్య సమస్యలకు పరిస్కారం దక్కుతుందని అంటున్నారు. ముఖ్యంగా బొప్పాయి వల్ల రెండు ప్రయోజనాలు ఉన్నాయని ఆయుర్వేద నిపుణులు చెబుతున్నారు. మొదటిది లివర్ సమస్యల నుండి బొప్పాయి కాపాడుతుంది. అంటే తాగి తాగి లివర్ చెడిపోవడం లేదా స్మోకింగ్‌ అధికంగా చేయడం వల్ల లివర్ చెడిపోయిందని చెబుతూ ఉంటారు. అలాంటి వారు పూర్తిగా లివర్ చెడిపోక ముందే క్రమం తప్పకుండా ఒక కప్పు బొప్పాయి ముక్కలను లేదా బొప్పాయి జ్యూస్ ను తీసుకోవాలి.
ఇలా కనీసం రెండున్నర నుండి మూడు నెలలు బొప్పాయి ముక్కలు తినడం వల్ల లివర్ సగం వరకు క్లీన్‌ అయినట్లే అంటున్నారు. మరి కొంత కాలం బొప్పాయిని తిన్నా కూడా ఎలాంటి దుష్పరిణామాలు ఉండవు. ఇక బొప్పాయి వల్ల మరో అద్బుత ప్రయోజనం ఏంటీ అంటే ఎక్కువగా కిడ్నీల్లో రాళ్లు ఉన్నాయని అంటూ ఉంటారు. బొప్పాయిని తినడం వల్ల కిడ్నీల్లో రాళ్లు కరిగి పోవడం లేదా యూరిన్ ద్వారా బయటకు వెళ్లి పోవడం జరుగుతుందట. లివర్ సమస్యలు ఉన్నవారితో ఆటు కిడ్నీల్లో సమస్యలు ఉన్నవారు ప్రతి రోజు క్రమం తప్పకుండా కప్పు బొప్పాయి పండ్లు తినాల్సిందిగా వైధ్యులు కూడా సూచిస్తున్నారు.
కేవలం ఈ రెండు ప్రయోజనాలు మాత్రమే కాకుండా బొప్పాయిలో ఉండే ఏ, బీ, సీ, ఇ విటమిన్లు మానవ శరీరంకు అత్యంత అవసరం. అలాంటి కీలక విటమిన్లను ఇస్తున్న బొప్పాయి రేటు కూడా తక్కువగానే ఉంటుంది. అందుబాటు రేటు ఉండే అత్యంత ప్రభావితమైన ఫలం అంటే ఇదే అంటూ ఉంటారు. కనుక ప్రతి ఒక్కరు కూడా ఏదో ఒక సమయంలో తినడం మంచిది. గర్బిణి స్త్రీలు బొప్పాయి తినకూడదు అనే నిబంధన ఉంది. కనుక ఏ ఒక్కరు కూడా ఆరోగ్యం పట్ల శ్రద్ద ఉన్న వారు అయితే ఇకపై అయినా బొప్పాయి తినడం మొదలు పెట్టాలని నిపుణులు సూచిస్తున్నారు. బొప్పాయిలో ఉండే ఔషద గుణాలు మరియు విటమిన్లు చాలానే ఉన్నాయి. అలాగే బొప్పాయి గింజల్లో కూడా ఔషద గుణం ఉన్నట్లుగా నిపుణులు చెబుతున్నారు.
బొప్పాయి ని ఎక్కువగా రక్త కణాలు పడిపోయిన వారికి తినిపించడేందుకు ప్రయత్నిస్తారు. ఆ సమయంలో బొప్పాయి చెట్టు ఆక్కులను కూడా రసంగా మార్చి తాగించాలని స్వయంగా వైధ్యులు అంటూ ఉంటారు. డెంగ్యూ ఫీర్ మరియు రక్త కణాలు పడిపోవడం వంటి సమస్యల కారణంగా పెద్ద ఆసుపత్రిలో జాయిన్‌ చేయకుండా మొదటగా బొప్పాయి కి పండు తినడం .. జ్యూస్ తాగడం వంటివి చేస్తే అదే అద్బుతం అంటున్నారు.
