Health: పాదాల పగుళ్ళకు తీసుకునే జాగ్రత్తలు

చాలా మందికి  పాదాల పగుళ్లు  బాధ పెడుతూ ఉంటాయి.  అయితే కాలంతో సంబంధం లేకుండా కాలి పగుళ్ళ సమస్యతో ప్రతి ఒక్కరు ఇబ్బంది పడుతూ ఉంటారు. పైగా చలికాలం వచ్చిందంటే చాలు  ఈ సమస్య మరింత తీవ్రంగా ఉంటుంది. కొందరిలో శారీరక వేడి తత్త్వం వల్ల పాదాలు పగిలి నొప్పితో బాధపడుతూ ఉంటారు ఎంత చక్కగా అలంకరించుకున్న పగిలిన పాదాల వలన మనకు ఆ సంతృప్తి అనేది కలగదు చీర కుచ్చులు మాటున పాదాలు దాచేయడం లేదా పాదాలను పూర్తిగా కప్పి ఉంచే చెప్పులు ధరించడం వంటివి చేస్తూ ఉంటాం. అయితే ఇటువంటి పాట్లు పడాల్సిన అవసరం లేకుండా మృదువైన పగుళ్ళు లేని కోమల పాదాలు చిన్న చిన్న చిట్కాలతో మీ సొంతం చేసుకోవచ్చు అనే విషయం మీకు తెలుసా..

* ప్రతిరోజు రాత్రి పడుకునే ముందు పాదాలను  శుభ్రంగా కడుక్కుని వెన్నపూస గాని, కొబ్బరి నూనె గాని పై పూతగా పూస్తే పగుళ్లు వెంటనే మానిపోతాయి.
* తుమ్మ జిగురును నీటితో ముద్దగా నూరి కాలి పగుళ్ల పైన పట్టించుచుండిన పగుళ్లు తగ్గి పాదాలు కోమలంగా తయారవును.
* కొద్దిగా తేనె తీసుకుని వెచ్చచేసి ఇందులో కాస్త గేదెవెన్న ను కలిపి సీసాలో పోసి భద్రపరచుకోవాలి. ఈ విధంగా భద్రపరిచిన మిశ్రమాన్ని ప్రతిరోజు కాళ్ళ పగుళ్ళకు రాస్తూ ఉంటే ఐదు రోజుల్లో కాళ్ళ పగుళ్లు పూర్తిగా తగ్గిపోతాయి
* 5 తులాల గుగ్గిలం కొద్దిగా  ఆవ నూనెలో కలిపి పోమర్దిస్తే వెన్నలాగా మారుతుంది. ఈ మిశ్రమాన్ని కాళ్ళ పగుళ్ళకు రాస్తూ ఉంటే వారం రోజు ల్లో  కాళ్ళ పగుళ్లు పూర్తిగా తగ్గిపోతాయి.
* బెల్లము, మైనము, గుగ్గిలము, నెయ్యి వీటిని సమభాగాలుగా కలిపి నూరి కాలి పగుళ్లకు పట్టిస్తే తొందరగా తగ్గిపోతాయి.
* ఉల్లి చెక్కను పగుళ్ల మీద రుద్దుతూ ఉంటే పగుళ్ళు తగ్గిపోతాయి.
* కొబ్బరి పాలలో కొద్దిగా గ్లిజరిన్ కలిపి కాళ్లు చేతులు పగుళ్ళకు రాస్తూ ఉంటే పగుళ్లు తగ్గుతాయి.