Health: ఈ జాగ్రత్తలు తీసుకుంటే మీ పిల్లలు సరియైన హైట్, వెయిట్ వుంటారు.

పిల్లలు ఆరోగ్యం వారి వయసుకు తగ్గ ఎత్తు, బరువు పైనే ఆధారపడి ఉంటాయి.ఈ విషయం పిల్లలకి తెలియదు. దీన్ని వారికి తెలియ చెప్పవలసిన బాధ్యత తల్లిదండ్రులదే. అలాగే ఆరోగ్యకరమైన జీవన శైలి అలవరచుకోవడానికి కావాల్సిన వాతావరణం కూడా వారే ప్రొవైడ్ చేయాలి. అందుకొరకు పెద్దవాళ్ళు ఏం చేయాలో ఇక్కడ ఉంది చూడండి.
* మీరు ఒక రోల్ మోడల్ లా ఉండండి. మీకు హెల్దీ ఈటింగ్ హ్యాబిట్స్ ఉంటే ఆటోమ్యాటిక్ గా పిల్లలకి కూడా అవే హ్యాబిట్స్ వచ్చేస్తాయి.
* రెగ్యులర్ గా మీల్స్, స్నాక్స్ టైమ్ లో ప్రశాంతమైన వాతావరణం ఉండేలా చూడండి. ఒత్తిడిగా ఉన్న సమయంలో ఎక్కువ తినేస్తాం. చదువు, మార్కుల డిస్కషన్లు డైనింగ్ టేబుల్ వద్ద పెట్టకండి.
* టీవీ, మొబైల్ కి ఒక టైమ్ లిమిట్ సెట్ చేయండి. ఆ టైమ్ తరువాత చూడకూడదని ఖచ్చితంగా చెప్పండి.
* సరదాగా, ఫిజికల్‌గా యాక్టివ్ గా ఉండే యాక్టివిటీస్ లో కుటుంబ సభ్యులందరూ పాలు పంచుకోండి.
* ఇంటి పనులు అందరూ చేసేలా చూడండి. మీ పిల్లల వయసుని బట్టి వారికి కూడా కొన్ని పనులు అప్పచెప్పండి.
* పిల్లల్ల్ని ఎలాంటి డైట్ ప్రోగ్రామ్స్ లోనూ ఇన్వాల్వ్ చేయకండి. పిల్లలకి సరైన డైట్ అలవాటు అవ్వాలి కానీ డైటింగ్ కాదు.
* బ్రేక్ ఫాస్ట్‌లో కొత్త కొత్త రకాలు ట్రై చేయండి. పిల్లలకీ కొత్త కొత్త వెరైటీలు అలవాటు అవుతాయి, సరిగ్గా బ్రేక్ ఫాస్ట్ చేయడం అలవాటు అవుతుంది. ఎప్పుడైతే బ్రేక్ ఫాస్ట్ అలవాటు అవుతుందో సగం సమస్య దూరం అవుతుంది.
* ఫుడ్ ని ఎప్పుడూ రివార్డ్ గా ఇవ్వకండి. అలాగే, ఈ ఫుడ్ పెట్టను అని కూడా అనకండి. మీరు పిల్లల్ని మెచ్చుకున్నప్పుడల్లా వారికి రెస్టారెంట్ లో డిన్నర్ అలవాటు చేయకండి. వాళ్ళకి నచ్చినది ఏదైనా కొని పెట్టండి, లేదా వాళ్ళతో కలిసి ఆడండి.
* వారంలో ఎన్ని రకాల కూరగాయలు, పండ్లు కుదిరితే అన్ని రకాలూ తినిపించండి.
* సాఫ్ట్ డ్రింక్స్, ఫ్రూట్ జ్యూసులలో షుగర్ కలుస్తుంది. ప్లెయిన్ మిల్క్, నీరు తాగడం అలవాటు చేయండి.

* మైండ్‌ఫుల్ ఈటింగ్ ని ఎంకరేజ్ చేయండి. బాగా ఆకలిగా ఉందా, కొంచెం ఆకలిగా ఉందా, కడుపు నిండా తిన్నారా, మరీ ఎక్కువగా తినేశారా అన్న విషయాలు అడగండి. శరీరం ఏం చెప్తోందో వినే అలవాటు కలిగించండి.
* తినేప్పుడు టీవీ చూస్తూనో మొబైల్ లో ఛాట్ చేస్తూనో తినే అలవాటు బ్యాన్ చేయండి. ఈ అలవాటు పిల్లలకీ పెద్దవాళ్ళకీ ఇద్దరికీ మంచిది కాదు.
* బెడ్‌రూమ్ లో నుండి టీవీ, వీడియో గేమ్స్ తీసేయండి. చాలినంత నిద్రపోని పిల్లలు వెయిట్ సరిగ్గా మెయింటెయిన్ చేయలేరు.
* బయట తిన్నప్పుడల్లా ఒక ప్లేట్ సలాడ్స్ కానీ, ఒక గ్లాసు మజ్జిగా కానీ తాగాలని రూల్ పెట్టండి.
* పిల్లలకి సెల్ఫ్ కేర్ అలవాటు చేయండి. సెల్ఫ్ కేర్ యొక్క అవసరాన్ని తెలియచెప్పండి.