కలువ కళ్ళకు కాటుకు దిద్దితే ఆ అందమే వేరు. కాటుకు కళ్ళలో చిక్కుపడిన మగని మనసు తిరిగిరావడం అసంభవం. అంతలా కట్టిపడేస్తాయి కాటుక కళ్ళు ఎవరినైనా సరే. నిజానికి కాటుక కంటికి మంచి అందాన్ని ఇస్తుంది. నిజంగా మగువలు కాటుక పెట్టుకుంటే మరింత అందంగా కనపడతారు. అయితే కాటుక పెట్టుకునేటప్పుడు చాలా మంది అది బయటికి వచ్చేస్తుంది ఏమో అని భయ పడుతూ ఉంటారు.
కాటుక బయటికి వచ్చేస్తే చూడడానికి బాగోదు. పైగా ముఖమంతా కూడా మసిలా ఉంటుంది. దీనితో అందం కాదు కదా చూడడానికి చికాకుగా ఉంటుంది. పైగా ఫ్రెష్ గా ఉండకుండా ముఖమంతా కూడా జిడ్డుగా ఉంటుంది. చాలా మంది మహిళలు ఈ సమస్యని భరించ లేక కాటుక పెట్టుకోవడం మానేస్తారు. కానీ నిజం చెప్పాలంటే కాటుక పెట్టుకుంటే ఏ మహిళ అయినా అందంగా ఉంటారు.
కళ్ళు ఎంతో ఆకర్షణీయంగా, అందంగా కనపడతాయి. ప్రాచీన కాలం నుండి కూడా భారతదేశంలో కాటుకని పెట్టుకోవడం జరుగుతోంది. ముఖ్యంగా మహిళలు కాటుకను పెట్టుకోవడానికి ఇష్ట పడతారు. దీంతో కళ్లు చాలా అందంగా కనబడతాయి. కాటుక పెట్టుకోవడం అనేది సులువైన పని కాదు. అయితే ఈ చిట్కాలను కనుక మీరు పాటించారంటే సులువుగా కాటుకని ఎంతో అందంగా పెట్టుకోవచ్చు. మీకోసం ఇక్కడ స్టెప్ బై స్టెప్ ప్రాసెస్ ఉంది. ఈ ప్రాసెస్ ఫాలో అయ్యారంటే కచ్చితంగా బయటకు రాకుండా కాటుక పెట్టుకోవచ్చు. దీనితో మీ కళ్ళు మరెంత అందంగా కనపడతాయి. పైగా ఏ ఇబ్బంది కూడా మీకు రాదు. అయితే మరి ఇంక ఆ ప్రాసెస్ గురించి చూసేద్దాం.
ముందుగా మంచి కాటుకని మీరు ఎంచుకోవాలి. ఎక్కువ సేపు కంటికి ఏ కాటుక ఉంటుందో దానినే మీరు చూసుకోండి. చాలా మంది మహిళలు కళ్ళలోంచి నీళ్ళు ఎక్కువగా వస్తూ ఉంటాయి. ముఖ్యంగా అలాంటి వాళ్ళు మంచి కాటుకని సెలెక్ట్ చేసుకోవాలి. కనుక మంచి నాణ్యమైన కాటుకను మీరు సెలెక్ట్ చేసుకోండి.
వాటర్ లైన్ మీద పర్ఫెక్ట్ గా కాటుకని తీసుకుని అప్లై చేసుకోవాలి. ముందు మీ యొక్క వేలుని కంటి కిందన పెట్టండి. వాటర్ లైన్ ని మీరు నెమ్మదిగా కిందకి లాగండి. అప్పుడు కాటుకని నెమ్మదిగా మీ కంటి వాటర్ లైన్ మీద పెట్టండి. ఇలా కింద వాటర్ లైన్ మీద అప్లై చేయడం వల్ల పర్ఫెక్ట్ గా వస్తుంది.
కొందరు మహిళలు లైట్‌గా కాటుకని పెట్టుకుంటే ఇష్టపడతారు. మరి కొందరు కాస్త థిక్‌గా పెట్టుకోవడాన్ని ఇష్ట పడతారు. కాబట్టి ఎంత థిక్‌గా పెట్టుకోవాలి అనేది మీ ఇష్టం. మీకు ఎలా సూట్ అవుతుంది అనుకుంటే అలా మీరు ప్రొసీడ్ అయ్యిపోతే బెస్ట్.
ఇప్పుడు ఒక బ్రష్ తీసుకుని మీ కాటుకని జాగ్రత్తగా ఒక ఆర్డర్‌లో పెట్టండి. ఇలా చేయడం వల్ల మంచి లుక్ వస్తుంది. ఒకవేళ కనుక మీ దగ్గర బ్రష్ లేకపోతే మీరు ఇయర్ బడ్ కానీ మీ యొక్క వేలుని కానీ ఉపయోగించి ఎడ్జస్ట్ చేసుకోవచ్చు. ఇలా నెమ్మదిగా మీరు మీ కాటుకని స్ప్రెడ్ చేయండి. ఇలా మంచి లుక్ వస్తుంది.
ఇప్పుడు బ్లాక్ ఐషాడో తీసుకుని ఇయర్ బడ్ తో కానీ బ్రష్‌తో కానీ వేలు తో కానీ రాయండి ఇలా ఐషాడో పెట్టడం వల్ల ఎక్కువ సేపు మీ కాటుక ఉంటుంది.
ఇప్పుడు మీ కళ్ళు మూసి.. మీ కంటి రెప్పలపై కూడా లైట్ గా పెట్టండి. ఇలా చేయడం వల్ల మీ కళ్ళు పెద్దగా కనబడతాయి. పైన వాటర్ లైన్ మీద కూడా అప్లై చేస్తే బాగుంటుంది.
కాంపాక్ట్ కానీ పౌడర్ కానీ తీసుకుని మేకప్ స్పాంజితో కంటి పైన పౌడర్ అప్లై చేయండి. ఇలా చేయడం వల్ల చెమట అంతా కూడా వచ్చేస్తుంది. దీంతో కాటుక ఎక్కువ సేపు ఉంటుంది పైగా కారిపోకుండా ఉంటుంది.
