దిగ్గజ ఈకామర్స్ సంస్థల్లో ఒకటైన ఫ్లిప్‌కార్ట్‌కు చెందిన డిజిటల్ బీ2బీ (బిజినెస్ టు బిజినెస్) మార్కెట్‌ప్లేస్ ఫ్లిప్కార్ట్ హోల్‌సేల్ తీపికబురు అందించింది. కొత్త లోన్ స్కీమ్ అందుబాటులోకి తీసుకువచ్చింది. ఇందులో భాగంగా సులభంగానే రుణం పొందొచ్చు.
అయితే అందరికీ ఈ రుణాలు అందుబాటులో ఉండవు. కేవలం కిరాణా షాపులకు మాత్రమే రుణాలు లభిస్తాయి. వారి వ్యాపారాన్ని మరింత వృద్ధి చేసుకోవడానికి రుణం తీసుకోవచ్చు. దీని కోసం ఫ్లిప్కార్ట్.. ఐడీఎఫ్‌సీ ఫస్ట్ బ్యాంక్‌తో జతకట్టింది. స్థానిక కిరాణా స్టోర్ల ఆర్థిక ఇబ్బందులు తీర్చడమే ఈ లోన్ స్కీమ్ ముఖ్య ఉద్దేశం.
కిరాణా షాపులు జీరో కాస్ట్ లోన్స్ తీసుకోవచ్చు. అంటే వడ్డీ లేకుండానే రుణం పొందొచ్చు. రూ.5 వేల నుంచి రూ.2 లక్షల వరకు రుణం లభిస్తుంది. 14 రోజుల వడ్డీ రహిత ప్రయోజనం పొందొచ్చు. అలాగే ఫ్లెక్సిబుల్ రీపేమెంట్ ఆప్షన్స్ కూడా అందుబాటులో ఉంటాయి.
