పవర్‌ స్టార్‌ పవన్ కల్యాణ్, దగ్గుబాటి రానా ప్రధాన పాత్రల్లో నటిస్తున్న చిత్రం ‘భీమ్లా నాయక్’. ‘అయ్యప్పనుమ్ కోశియమ్‌’ కు తెలుగు రీమేక్‌ గా రూపొందుతోన్న ఈ చిత్రానికి సాగర్ కె.చంద్ర దర్శకత్వం వహిస్తున్నారు. ఈ సినిమాలోని ‘లాలా భీమ్లా’ వీడియో సంబంధించిన ప్రోమోను ఈరోజు (నవంబరు 3) సాయంత్రం 7.02 గంటలకు విడుదల చేయనున్నట్లు తెలుపుతూ ఓ పోస్టర్ ను విడుదల చేసింది చిత్రబృందం. పవన్ కల్యాణ్.. భీమ్లా నాయక్ అనే పోలీస్‌ పాత్రలో కనిపించనున్నాడు. అలాగే రానా.. డేనియల్‌ శేఖర్‌ గా అలరించనున్నాడు. తాజాగా విడుదల చేసిన పోస్టర్ లో పవన్ మాస్ లుక్ లో మందు సీసా, బాంబులను ముందు పెట్టుకుని కూర్చొని కనిపించాడు. ఈ దీపావళికి పవన్ కళ్యాణ్ తన ఫ్యాన్స్‌ కు అదిరిపోయే గిఫ్ట్ ఇచ్చాడని పవన్ లుక్ ను చూసి అంటున్నారు అభిమానులు.
Let's celebrate this diwali with #TheSoundOfBheemla ?❤️?#LalaBheemla Video Promo out today at 07:02pm?#BheemlaNayak @pawankalyan @RanaDaggubati #Trivikram @saagar_chandrak @MenenNithya @MusicThaman @iamsamyuktha_ @dop007 @NavinNooli @vamsi84 @adityamusic pic.twitter.com/rOf6nqGQXG
— Sithara Entertainments (@SitharaEnts) November 3, 2021
భీమ్లా నాయక్ చిత్రం సంక్రాంతి సందర్భంగా జనవరి 12న ప్రేక్షకుల ముందుకు రానుంది. మలయాళ చిత్రం తెలుగు నెటివిటీ తగ్గట్టు మార్పులు చేసే బాధ్యతలను ప్రముఖ దర్శకుడు, రైటర్ త్రివిక్రమ్ శ్రీనివాస్ తీసుకున్నారు. పవన్ కు జోడీగా నిత్యామీనన్ నటిస్తుండగా, రానా జోడీగా సంయుక్తా మీనన్ నటిస్తోంది. ఇప్పటికే విడుదలైన ఈ సినిమా స్పెషల్‌ వీడియోలు, పాటలు ప్రేక్షకుల్ని అలరిస్తున్నాయి.
