‘బాహుబలి’ తర్వాత దేశవ్యాప్తంగా రికార్డులు సృష్టించిన సినిమా ‘కేజీఎఫ్’. దీనికి సీక్వెల్ గా తెరకెక్కుతున్న ‘కేజీఎఫ్ 2’ సినిమాపై భారీ అంచనాలు నెల‌కొని ఉండ‌గా, ఈ సినిమా ప్రీరిలీజ్ బిజినెస్ కూడా భారీగా జ‌రుగుతున్న‌ట్టు తెలుస్తోంది. తాజాగా ‘కేజీఎఫ్ 2’ చిత్ర సంస్థ.. సౌత్ లాంగ్వేజెస్‌కి సంబంధించిన శాటిలైట్ రైట్స్ ను ‘జీ’ సంస్థ‌కు అప్ప‌గించిన‌ట్టు అధికారిక ప్ర‌క‌ట‌న చేసింది. శాటిలైట్ హ‌క్కుల కోసం చిత్ర నిర్మాణ సంస్థ‌కు ‘జీ’ బాగానే ముట్ట‌జెప్పిన‌ట్టు తెలుస్తోంది. ఇంతకుముందు “కేజీఎఫ్-2” ఓటిటి విడుదలకు భారీ ఆఫర్లు వచ్చాయి. కానీ సినిమాను థియేటర్లలోనే విడుదల చేయాలని మేకర్స్ గట్టిగా నిర్ణయించుకున్నారు. థియేట్రికల్ విడుదల తర్వాత మాత్రమే ఈ చిత్రం ఓటిటిలో రిలీజ్ అవుతుంది. ఇప్పటికే “కేజీఎఫ్-2” టీజర్ సంచలనం సృష్టించింది.
#KGFChapter2 locks its official worldwide satellite destination for South languages on ZEE ?@TheNameIsYash @prashanth_neel @VKiragandur @hombalefilms @HombaleGroup @duttsanjay @TandonRaveena @SrinidhiShetty7#KGF2SouthOnZee@ZeeKannada @ZeeTVTelugu @ZeeTamil @ZeeKeralam pic.twitter.com/RxehwvT5dn
— Hombale Group (@HombaleGroup) August 20, 2021
దీంతో సినిమాపై అంచనాలు ఆకాశాన్ని తాకేలా ఉన్నాయి. కాగా, ఈ సీక్వెల్‌లో యష్, సంజయ్ దత్, రవీన్ టాండన్, రావు రమేష్, శ్రీనిధి శెట్టి వంటి భారీ తారాగణం ఉంది. రవి బస్రూర్ సంగీతం అందించారు. ప్రశాంత్ నీల్ దర్శకత్వం వహించారు.
