ఈ మధ్య కాలం లో చాల మందిని వేధిస్తున్న సమస్య వెన్ను నొప్పి. గంటల తరబడి కంప్యూటర్ ముందర కూర్చుని పని చేయడం, పని ఒత్తిడి , పెద్ద పెద్ద బరువులు మోయడం వల్ల ఈ సమస్య వస్తుంది. చాల మంది వెన్ను నొప్పి కారణంగా వ్యాయామము, యోగ, జిమ్ వర్క్అవుట్స్ కి దూరం గా ఉంటారు. నిజంగా వెన్ను నొప్పి వస్తే దాని నుండి బయట పడడం ఎంతో కష్టం. కానీ ఈ విధంగా చేస్తే ఖచ్చితంగా వెన్ను నొప్పి చాల మట్టుకు తగ్గిపోతుంది. అయితే వెన్ను నొప్పి రావడానికి గల కారణాలు చాలా ఉన్నాయి.అయితే కొన్ని కొన్ని సార్లు ఇది చాలా తీవ్రంగా కూడా మారిపోతుంది. స్పైన్ హైజీన్ లేకపోవడం వల్ల ఈ సమస్యలు వస్తాయని నిపుణులు అంటున్నారు. ఎక్కువ సేపు కూర్చున్నా, గంటల కొద్దీ డ్రైవింగ్ చేసిన, బరువులు ఎక్కువగా ఎత్తినా, స్పోర్ట్స్ వంటివి ఆడినా సమస్యలు వస్తాయి. సాధారణంగా ఇటువంటి పనులు చేసినప్పుడు చాలా జాగ్రత్తగా ఉండాలి.
ఈ సమస్య నుండి ఎలా బయటపడాలి..?
ఈ సమస్య నుండి బయట పడాలంటే కచ్చితంగా వ్యాయామమే సరైనది. రెగ్యులర్ గా వ్యాయామం చేయడం వల్ల స్పైన్ హెల్త్ బాగుంటుంది. అయితే మరి ఆ వ్యాయామ పద్దతుల గురించి మనం ఇప్పుడు తెలుసుకుందాం.
**** నడక :
మనం కూర్చున్నప్పుడు లుంబార్ స్పైన్ డిస్క్ పైన ఎక్కువగా బరువు పడుతుంది. అయితే దీని కారణంగా మన కి వెన్ను నొప్పి వస్తుంది. అందుకని నడిస్తే కాస్త ఉపశమనం లభిస్తుంది. అరగంట సేపు కూర్చున్నాక మధ్యలో మూడు నిమిషాల పాటు నడవడం వల్ల కాస్త రిలీఫ్ గా ఉంటుంది.
*** సైడ్ ప్లాంక్:
మొదట మీరు మీ చెయ్యితో పక్కకి బాలన్స్డ్ గా వుండండి. మీ యొక్క నడుము, కాళ్ళు, మోచెయ్యి మరొక పక్కకి ఉంచండి. మీ నడుముని నేలకి ఆనించద్దు. ఇలా 30 సెకండ్లు పాటు ఈ పోజ్ లో వుండండి.
***
నేల మీద పడుకోవాలి. పడుకునేటప్పుడు మన వెన్ను నేలకి ఆనేలాగా ఉండాలి
రెండు చేతులు ఇరువైపులా పెట్టి ఇప్పుడు మోకాళ్లని 90 డిగ్రీల లోకి తీసుకు రండి. ఇప్పుడు మీరు మీ యొక్క వెన్నుని నేల దగ్గరగా తాకేలా చూడండి. ఇప్పుడు కుడి కాలు మరియు ఎడుమ చెయ్యిని దూరం ఉంచండి. ఆ తర్వాత కుడి చెయ్యిని ఎడుమ కాలిని దూరం గా ఉండేలా చూసుకోండి
