క్రీడా రంగంలో అత్యుత్తమ సేవలందించిన అథ్లెట్లకు ఇచ్చే అత్యున్నత పురస్కారం రాజీవ్ ఖేల్ రత్న అవార్డు పేరు మారింది. ఈ మేరకు ప్రధాని మోదీ శుక్రవారం ఓ ట్వీట్ చేశారు. ఈ అవార్డును ఇకపై ‘మేజర్ ధ్యాన్ చంద్ ఖేల్ రత్న’ గా పిలవనున్నట్టు చెప్పారు. దేశ ప్రజల విజ్ఞప్తుల మేరకు ఈ నిర్ణయం తీసుకోవడం జరిగిందని అన్నారు. ‘రాజీవ్ ఖేల్ రత్న’లో ‘రాజీవ్’ ను తొలగించి.. ఆ స్థానంలో హాకీ మాంత్రికుడు మేజర్ ధ్యాన్ చంద్ పేరును ఉంచారు. హాకీ మాంత్రికుడు ధ్యాన్ చంద్. ఆయన పేరిట ప్రతి ఏడాది ఆగస్టు 29న క్రీడా దినోత్సవం జరుపుకుంటాం. టోక్యో ఒలింపిక్స్ లో భారత హాకీ జట్టు స్ఫూర్తి దాయక ప్రదర్శన చేసింది. పురుషుల జట్టు కాంస్య పతకంను దక్కించుకోగా, మహిళల జట్టు నాల్గో స్థానంలో నిలిచింది. ఈ నేపథ్యంలోనే ‘రాజీవ్ ఖేల్ రత్న’ పేరును హాకీ దిగ్గజం పేరిట ‘మేజర్ ధ్యాన్ చంద్ ఖేల్ రత్న‘గా మార్చడం గమనార్హం. కాగా, మన దేశంలో ఈ అత్యున్నత క్రీడా పురస్కారాన్ని మాజీ ప్రధాని రాజీవ్ గాంధీ జ్ఞాపకార్థం 1991–92 సంవత్సరంలో ప్రారంభించారు. అప్పటి నుంచి రాజీవ్ గాంధీ ఖేల్ రత్న అవార్డుగా పిలుస్తున్నారు. ఈ అవార్డు కింద ప్రశంసాపత్రం, పతకం, నగదు అందజేస్తారు.
I have been getting many requests from citizens across India to name the Khel Ratna Award after Major Dhyan Chand. I thank them for their views.
Respecting their sentiment, the Khel Ratna Award will hereby be called the Major Dhyan Chand Khel Ratna Award!
Jai Hind! pic.twitter.com/zbStlMNHdq
— Narendra Modi (@narendramodi) August 6, 2021
