విజయ్ ఆంటోనీ హీరోగా తెరకెక్కిన బిచ్చగాడు ఎంతటి విజయం సాధించిందో తెలిసిందే. బిచ్చగాడు చిత్రానికి సీక్వెల్ గా ‘బిచ్చగాడు 2’ తెరకెక్కుతుంది. ఈ చిత్రంలో హీరో గా విజయ్ ఆంటోనీ, తన స్వీయ దర్శకత్వంలో తెరకెక్కుతుంది.
తొలి భాగాన్ని తెరకెక్కించిన విజయ్ ఆంటోనీ ఫిల్మ్‌ కార్పొరేషన్‌ సంస్థే ఈ చిత్రాన్నీ నిర్మిస్తుంది. ప్రముఖ రచయిత భాష్య శ్రీ ఈ సినిమా కి మాటలు అందిస్తున్నారు.
ఈ సినిమాకు సంబంధించిన ఆసక్తికరమైన ఫస్ట్ లుక్ పోస్టర్ ను ఈ రోజు ఆయన విడుదల చేశాడు. తన మనసుకు నచ్చిన ప్రాజెక్టుకు దర్శకత్వం వహించడం ఆనందంగా ఉందని ట్వీట్ చేశాడు.. ఇప్పటివరకు సంగీత దర్శకుడిగా, ఎడిటర్ గా, హీరోగా విజయవంతం అయినా విజయ్ ఆంటోనీ దర్శకుడిగా మెప్పించనున్నాడు. త్వరలోనే ఈ సినిమా కి సంబందించిన పూర్తి వివరాలు వెలువడనున్నాయి. ఇక ఈరోజు విజయ్ ఆంటోనీ పుట్టిన రోజు కావడంతో ఆయనకు పుట్టిన రోజు శుభాకాంక్షలు చెప్తూ ఈ చిత్రానికి సంబందించిన లుక్ ని విడుదల చేసింది చిత్ర బృందం. ఆయనను దర్శకుడిగా అనౌన్స్ చేస్తూ ప్రముఖ దర్శకుడు మురుగదాస్ ఈ చిత్ర పోస్టర్ ను విడుదల చేశాడు.
