మాస్ కా దాస్ విశ్వక్ సేన్ కథానాయకుడిగా, కొత్త దర్శకుడు నరేశ్ కుప్పిలి ‘పాగల్’ సినిమాను రూపొందించాడు. ‘దిల్’రాజు నిర్మాణ సమర్పణలో,బెక్కెం వేణుగోపాల్ నిర్మాతగా ఈ సినిమా రేపు ప్రేక్షకుల ముందుకు రానుంది. ఈ సందర్భంగా తాజా ఇంటర్వ్యూలో విశ్వక్ మాట్లాడాడు.
“ప్రతి ఒక్కరి ప్రేమ కోసం ‘పాగల్’ ఎందుకు పరితపిస్తూ ఉంటాడనే ఒక ఎమోషనల్ ఎపిసోడ్ తో ఈ సినిమా మొదలవుతుంది. ఈ సినిమా ప్రీ రిలీజ్ ఈవెంట్ లో నేను మాట్లాడుతూ .. ‘మూసుకుపోయిన థియేటర్లన్నీ ఈ సినిమాతో తెరిపిస్తా, లేదంటే నా పేరు మార్చుకుంటాను’ అన్నాను. ఆ తరువాత కొంతమంది దర్శకులకు .. వారి సన్నిహితులకు ఈ సినిమాను చూపించాను. వాళ్లంతా కూడా నువ్వు పేరు మార్చుకోవలసిన అవసరం రాదు .. అంత బాగా వచ్చిందని గట్టిగా చెప్పారు.
ఈ సినిమాను థియేటర్లలో చూస్తే కలిగే ఫీల్ వేరు. అందువల్లనే అందుకోసం చాలా కష్టపడ్డాను. ఈ సినిమా ఫస్టాఫ్ అంతా నవ్వుకోకుండా .. సెకండాఫ్ అంతా ఎమోషనల్ కాకుండా ఉండలేరు. ఇంటికి వెళ్లిన తరువాత కూడా అంతా మాట్లాడుకునే సినిమా అవుతుంది. అందులో ఎలాంటి సందేహం లేదు” అని చెప్పుకొచ్చాడు.
