పవర్ స్టార్ పవన్ కల్యాణ్ మలయాళం సూపర్ హిట్ మూవీ ‘అయ్యప్పనుమ్ కోషియమ్’ రీమేక్ లో నటిస్తున్నారు.ఈ సినిమా తో పాటు ‘హరిహర వీరమల్లు’ సెట్స్ లో వుంది. క్రిష్ దర్శకత్వం వహిస్తున్న ఈ సినిమా, ఇప్పటికే కొంతవరకూ చిత్రీకరణను జరుపుకుంది. మొగల్ రాజుల కాలం నాటి కథతో, కోహినూర్ వజ్రం చుట్టూ ఈ కథ తిరుగుతుందని అంటున్నారు. ఈ సినిమాలో పవన్ బందిపోటు దొంగ గా కనిపించనున్నారు. ఆయన లుక్ కి ఆల్రెడీ విపరీతమైన క్రేజ్ వచ్చేసింది. వచ్చే సెప్టెంబర్ 2న పవన్ బర్త్ డే కావడంతో, ఈ సినిమా నుంచి మేకింగ్ వీడియో వచ్చే అవకాశం ఉందనే టాక్ బలంగా వినిపిస్తోంది.
పవన్ కల్యాణ్ కెరియర్లోనే భారీ బడ్జెట్ తో నిర్మితమవుతున్న సినిమా ఇది. ఈ సినిమా కోసం కోట్ల రూపాయల ఖర్చుతో భారీ సెట్లు వేయించారు. పెద్ద సంఖ్యలో గుర్రాలను వాడుతున్నారు. ఇక కాస్ట్యూమ్స్ విషయంలో ప్రత్యేకమైన శ్రద్ధ పెట్టారు. ఒక్కమాటలో చెప్పాలంటే పవన్ కెరియర్లోనే ప్రత్యేకమైనదిగా ఈ సినిమాను నిలిపే ప్రయత్నాలు చేస్తున్నారు. వచ్చే వేసవిలో ఈ సినిమా ప్రేక్షకుల ముందుకు రానుంది.
