‘టీ’ త్రాగేవారు చూడండి…  ఏ ‘టీ’ మంచిదో   

ప్రతి ఉదయం ఓ కప్పు టీ తో ప్రారంభించడం మనలో దాదాపు అందరికి అలవాటే. అయితే టీ ఆరోగ్యానికి అంత మంచిది కాదు అనే వాదనలు కూడా వినిపిస్తూనే ఉన్నాయి. ఇంతకీ టీ ఆరోగ్యానికి మంచిదా, కాదా అంటే…ప్రతి రోజు టీ తాగడం వల్ల ఆరోగ్యంగా ఉండొచ్చు అని నిపుణులు చెప్పడం జరిగింది. అయితే ఈ రోజు చాలా మందికి తెలియని కొన్ని విషయాలని నిపుణులు మనతో పంచుకున్నారు. మరి వాటి కోసం ఎటువంటి ఆలస్యం లేకుండా చూద్దాం.. టీలో చాలా రకాలు ఉన్నాయి. టీ రకాన్ని బట్టి కలిగే ప్రయోజనాలు ఉంటాయి.

మరి టీలో రకాలు వాటి వల్ల కలిగే ప్రయోజనాలు..

వైట్ టీ :
వైట్ టీ లో ఫ్లేవర్స్ చాలా డెలికేట్ గా ఉంటుంది. ఇది Camellia sinensis అనే మొక్క నుంచి వస్తుంది. చైనా మరియు భారత దేశంలో ఈ మొక్కలు ఉంటాయి. ఇది చాలా తక్కువ ప్రాసెస్ చేసే టీ. రీసెర్చ్ లో ఇది చాలా మంచిది అని, బాగా పని చేస్తుందని, మంచి గుణాలు ఉన్నాయని ఆరోగ్యానికి మంచిదని తేలింది. వివిధ రకాల కాన్సర్స్‌ని ఇది తరిమికొట్టడానికి కూడా ఉపయోగపడుతుంది. దీనిలో యాంటీ ఆక్సిడెంట్లు సమృద్ధిగా ఉంటాయి. కంటికి కూడా వైట్ టీ చాలా మంచిది. వైట్ టీ లో ఫ్లోరైడ్ అధికంగా ఉంటుంది. ఇవి దంతాలుని బలంగా ఉంచుతాయి. ప్లేగు వంటి సమస్యలతో కూడా ఫైట్ చేసే గుణాలు దీనిలో ఉన్నాయి. ఇందులో కెఫిన్ చాలా తక్కువగా ఉంటుంది దీనిని తీసుకోవడం వల్ల ఇలా మంచి ప్రయోజనాలు పొందవచ్చు.

హెర్బల్ టీ:
హెర్బల్ టీ కూడా వైట్ టీ కి దగ్గర గానే ఉంటుంది. కానీ వీటిలో మూలికలు, స్పైసెస్, పండ్లు లేదా ఇతర మొక్కలు సారం లాంటివి ఉంటాయి. హెర్బల్ టీలో కెఫీన్ ఉండదు. ఇందులో శాంత పరిచే గుణాలు ఉంటాయి. హెర్బల్ టీ లో చాలా రకాలు ఉన్నాయి. పైగా ఈ టీలు చాలా పాపులర్ కూడా. అయితే కొన్ని హెర్బల్ టీల గురించి తెలుసుకుందాం..

చమోలి టీ:
చమోలి టీని చాలా మంది తాగుతూనే ఉంటారు. దీని కోసం మనం ప్రత్యేకంగా చెప్పక్కర్లేదు. అయితే దీనిని తీసుకోవడం వల్ల ఎటువంటి ప్రయోజనాలు కలుగుతాయి అనేది చూస్తే .. పీరియడ్స్ సమయంలో వచ్చే కడుపు నొప్పి తగ్గుతుంది మరియు నిద్రలేమి సమస్యలు ఏవైనా ఉంటే తొలగిపోయి మంచి నిద్ర పడుతుంది. అదే విధంగా రిలాక్స్‌గా ఉంచుతుంది. ఒత్తిడి ఏమైనా ఉంటే కూడా దూరం అయిపోతుంది.

రూయిబోస్ :
ఇక ఈ రూయిబోస్ టీ కోసం చూస్తే … ఇది బీపీని ఇంప్రూవ్ చేస్తుంది. అదే విధంగా బ్లడ్ సర్క్యులేషన్‌ని కూడా ఇంప్రూవ్ అవుతుంది, ఇది చెడు కొవ్వుని తగ్గించి మంచి కొవ్వును పెంచుతుంది. అదే విధంగా జుట్టుకి కూడా ఇది చాలా మంచి చేస్తుంది. కురులని ఈ టీ ధృడంగా ఉండేటట్టు చేస్తుంది. చర్మ ఆరోగ్యానికి కూడా ఇది చాలా మంచిది. ఎలర్జీలు వంటి వాటి నుంచి దూరం చేస్తుంది.

పెప్పెర్మెంట్ టీ:
ఇక ఈ పెప్పెర్మెంట్ టీ కోసం చూస్తే… దీనిలో మింతాల్ ఉంటుంది. ఇది కడుపుని శుభ్రంగా ఉంచుతుంది. కాన్స్టిపేషన్ వంటి సమస్యలను కూడా ఇది తగ్గిస్తుంది. అదే విధంగా మైగ్రేన్, తల నొప్పి వంటి సమస్యలు కూడా ఇది చిటికె లో పరిష్కారం చూపిస్తుంది. నొప్పి వంటి వాటి నుంచి కూడా ఉపశమనం ఇస్తుంది. ఇలా ఈ టీతో ఈ ప్రయోజనాలని మనం పొంద వచ్చు.

అల్లం టీ :
అల్లం టీని సులువుగా మనం ఇంట్లో తయారు చేసుకోవచ్చు. కొద్దిగా అల్లాన్ని దంచి నీళ్లలో మరిగించి వడకట్టి తీసుకుంటే మంచి ప్రయోజనాలు పొందవచ్చు. ఉదయాన్నే లేవ గానే కొంచెం బద్దకంగా ఉంటుంది. దాని నుండి బయట పడాలంటే ఈ అల్లం టీ ఏ కరెక్ట్. అలానే దీనిని తీసుకోవడం వల్ల అజీర్తి సమస్యలు కూడా తగ్గిపోతాయి. కీళ్ల నొప్పులు వంటి సమస్యల నుంచి కూడా ఉపశమనం దొరుకుతుంది.

మందార టీ:
మందారం టీ వల్ల కూడా చాలా ఉపయోగాలు ఉన్నాయి. వీటిని తీసుకోవడం వల్ల ఎన్నో ప్రయోజనాలు పొందవచ్చు. బీపీ తగ్గుతుంది మరియు ఫ్యాట్ లెవెల్స్ కూడా ఇంప్రూవ్ అవుతాయి. కిడ్నీ స్టోన్స్ నుంచి కూడా ఇది రక్షిస్తుంది. ఇలా మందారం టీ వల్ల మనం ఈ ప్రయోజనాలు పొందవచ్చు.

గ్రీన్ టీ:
ఇక గ్రీన్ టీ కోసం చూస్తే.. ఈ ఆకుల్ని ప్రాసెస్ చేసి రోస్ట్ చేసి ఈ టీ అనేది తయారు చేయడం జరుగుతుంది. గ్రీన్ టీ లో ఫ్లేవనాయిడ్స్ సమృద్ధిగా ఉంటాయి ఇవి హృదయ ఆరోగ్యాన్ని బూస్ట్ చేయడానికి ఉపయోగ పడతాయి. బ్లడ్ కొలెస్ట్రాల్ లెవెల్స్ ని కూడా తగ్గిస్తుంది. బ్లడ్ క్లాట్ ని కూడా ఈ టీ తగ్గిస్తుంది. బ్లడ్ ప్రెషర్ ని తగ్గించడానికి కూడా గ్రీన్ టీ చాలా బాగా ఉపయోగ పడుతుందని రీసర్చ్ ద్వారా తెలిసింది. కొలెస్ట్రాల్ అధికంగా ఉన్న వారికి కూడా ఇది చాలా మంచిది. లివర్ క్యాన్సర్, బ్రెస్ట్ క్యాన్సర్, ప్రోస్టేట్ కాన్సర్ వంటి సమస్యలు ఉన్న వాళ్ళకి ఇది బాగా పని చేస్తుందని సమస్య బారిన పడకుండా రక్షిస్తుందని నిపుణులు చెప్పారు. అదే విధంగా గ్రీన్ టీలో యాంటీ ఇన్ఫ్లమేటరీ గుణాలు ఉన్నాయి. అంతే కాదండి ఈ టీ ని తాగడం వల్ల స్కిన్ చాలా క్లియర్‌గా, అందంగా ఉంటుంది.
ఇది ఇలా ఉంటే గత కొన్ని సంవత్సరాల ముందు matcha అనే గ్రీన్ టీ ఒకటి వచ్చింది. ఇది చాలా పాపులర్ అయ్యింది. నాణ్యతతో ఇది ముందు ఉంటుంది. ఈ టీ లో కూడా యాంటీ ఆక్సిడెంట్లు సమృద్ధిగా ఉంటాయి. ఒక కప్పు matcha తీసుకోవడం పది కప్పుల గ్రీన్ టీ తో సమానం.

బ్లాక్ టీ :
ఈ బ్లాక్ టీ ని Camellia sinensis మొక్క నుండి తయారు చేస్తారు. గ్రీన్ టీకి వాడే మొక్క నుండే ఈ బ్లాక్ టీని కూడా తయారు చేస్తారు. ఈ ఆకుల్ని కోసి ఎండ బెట్టి ప్రాసెస్ చేసి మంచి ఫ్లేవర్ వచ్చే వరకు తయారు చేయడం జరుగుతుంది. బ్లాక్ టీలో కెఫిన్ ఉంటుంది కాబట్టి దీనిని గమనించి తీసుకుంటూ ఉండాలి. రోగ నిరోధక శక్తిని పెంపొందించడానికి ఇది బాగా ఉపయోగపడుతుంది. దీనిలో కూడా యాంటీ ఇంఫ్లమేషన్ గుణాలు ఉంటాయి. స్కిన్ ర్యాషెస్ వంటివి రాకుండా ఈ బ్లాక్ టీ కాపాడుతుంది.

ఊలాంగ్ టీ:
ఇక ఈ టీ కోసం చూస్తే.. గ్రీన్ టీ, బ్లాక్ టీ తయారు చేసే మొక్కల నుండి దీనిని కూడా తయారు చేస్తారు. అయితే తయారీ విధానం లో మాత్రం మార్పు ఉంటుంది. ఇక ఈ టీ ని తీసుకోవడం వలన ఏ బెనిఫిట్స్ ఉంటాయి అనేది చూస్తే… ఏకాగ్రతని, ఎటెన్షన్ని ఇది పెంపొందిస్తుంది. అలానే ఇది పార్కిన్సన్స్ మరియు అల్జీమర్ సమస్యల్ని తరిమి కొడుతుంది. క్యాన్సర్, టైప్ 2 డయాబెటిస్ రిస్కు ఇది తగ్గిస్తుంది. ఇలా ఈ ఊలాంగ్ టీ వలన ప్రయోజనాలని పొందొచ్చు.