భోజనం చేసిన కూడా ఒక్కోక్కసారి అనుకోకుండా మనకి విపరీతమైన ఆకలి వేస్తుంది. అటువంటి సమయంలో ఈ తప్పులు మాత్రం అస్సలు చేయొద్దని పోషక ఆహార నిపుణులు హెచ్చరిస్తున్నారు. ఆకలి బాగా వేసినప్పుడు నూడుల్స్, బిస్కెట్లు మరియు వేఫర్స్, జ్యూస్ మరియు షుగర్ ఎక్కువగా ఉండే ప్రోటీన్ బార్స్ అస్సలు తీసుకోవద్దు.
ఆకలి బాగా వేసినప్పుడు నూడుల్స్, జ్యూస్, బిస్కెట్లు, పంచదారతో చేసిన ప్రోటీన్ బార్లకు బదులు ఆపిల్ తీసుకుంటే మంచిదని అది కూడా పీనట్ బటర్‌తో తీసుకుంటే మరింత మేలు అని అంటున్నారు. యాపిల్‌తో పాటు పీనట్ బటర్ కలిపి తీసుకోవడం వల్ల కడుపు నిండుగా ఉంటుంది.
అదే విధంగా ఆరు బాదంపప్పులతో పాటుగా మూడు ఖర్జూరం తీసుకుంటే కడుపు నిండుగా ఉంటుందని పోషక ఆహార నిపుణులు చెబుతున్నారు. ఇది ఇలా ఉంటే ఒక్కోసారి మనకి ఏమైనా స్వీట్ గా ఉండే వాటిని తినాలనిపిస్తుంది.
అటువంటి సమయంలో చాక్లెట్స్‌కి బదులుగా నట్స్ తీసుకుంటూ ఉంటే మంచిదని అంటున్నారు కాబట్టి మీరు ఎక్కువగా ఇటువంటి ఆహారం తీసుకుంటే వాటికి బదులుగా ఆరోగ్యకరమైన వంటివి తీసుకుంటే మంచిది.
అలానే వేయించిన శనగలుతో పాటు అటుకులు తీసుకోవడం కూడా మంచిది ఇలా తీసుకోవడం వల్ల వీటిలో ప్రోటీన్స్, కార్బోహైడ్రేట్స్ సమృద్ధిగా ఉంటాయి. ఇవి ఎక్కువ సేపు ఆకలి వేయకుండా చూసుకుంటాయి. అదే విధంగా ఆకలిగా ఉన్నప్పుడు వీటిని తింటే తప్పక వెంటనే ఆకలి తీరిపోతుంది. ఎప్పుడైనా బాగా ఆకలి వేసినప్పుడు ఇటువంటి చిన్న చిన్న టెక్నిక్స్ ని అనుసరిస్తే మంచిదని.. వీటి వల్ల ఆరోగ్యంగా ఉండొచ్చని ఏ సమస్యలు రావని పోషక ఆహార నిపుణులు చెబుతున్నారు.
