భారత్ లోభారత్ లో కొత్త నోకియా స్మార్ట్ ఫోన్ రిలీజ్ అయింది. అదే నోకియా సీ20 ప్లస్ స్మార్ట్ ఫోన్. ఈ ఫోన్ ని చైనాలో గతనెలలోనే రిలీజ్ చేశారు. ఇందులో రెండు రేర్ వ్యూ కెమెరాలు ఉన్నాయి. ఆక్టాకోర్ యూనిసోక్ ఎస్సీ9863ఏ ప్రాసెసర్‌ను అందించనున్నారు. ఆండ్రాయిడ్ 11 గో ఎడిషన్ ఆపరేటింగ్ సిస్టంపై ఈ ఫోన్ పనిచేయనుంది. 3000 ఎంఏహెచ్ బ్యాటరీని ఇందులో అందించారు.
నోకియా సీ20 ప్లస్ ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 2 జీబీ ర్యామ్ + 32 జీబీ స్టోరేజ్ వేరియంట్ ధర రూ.8,999గా ఉంది. 3 జీబీ ర్యామ్ + 32 జీబీ స్టోరేజ్ వేరియంట్ ధర రూ.9,999గా నిర్ణయించారు. బ్లూ, గ్రే రంగుల్లో ఈ ఫోన్ అందుబాటులో ఉండనుంది. దీనికి సంబంధించిన సేల్ కూడా ఇప్పటికే ప్రారంభం అయింది.
నోకియా సీ20 ప్లస్ స్పెసిఫికేషన్లు
ఇందులో 6.5 అంగుళాల హెచ్‌డీ+ డిస్ ప్లేను అందించారు. దీని యాస్పెక్ట్ రేషియో 20:9గా ఉంది. 1.6 గిగాహెర్ట్జ్ ఆక్టాకోర్ యూనిసోక్ ఎస్సీ9863ఏ ప్రాసెసర్ పై నోకియా సీ20 ప్లస్ పనిచేయనుంది. 3 జీబీ ర్యామ్, 32 జీబీ స్టోరేజ్‌ను ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా 256 జీబీ వరకు పెంచుకోవచ్చు.
ఆండ్రాయిడ్ 11(గో ఎడిషన్) ఆపరేటింగ్ సిస్టంపై ఈ స్మార్ట్ ఫోన్ పనిచేయనుంది. ఇందులో ఫింగర్ ప్రింట్ సెన్సార్‌ను అందించారు. ఫేస్ అన్‌లాక్ ఫీచర్ కూడా ఇందులో ఉంది. ఇందులో 4950 ఎంఏహెచ్ బ్యాటరీని అందించారు. 10W ఫాస్ట్ చార్జింగ్‌ను ఇది సపోర్ట్ చేయనుంది.
ఇక కెమెరాల విషయానికి వస్తే.. ఇందులో వెనకవైపు రెండు కెమెరాలను అందించారు. వీటిలో ప్రధాన కెమెరాగా 8 మెగా పిక్సెల్ సామర్థ్యమున్న సెన్సార్‌ను అందించారు. దీంతోపాటు 2 మెగా పిక్సెల్ డెప్త్ సెన్సార్ కూడా అందించారు. సెల్ఫీలు, వీడియోకాల్స్ కోసం ఫోన్ ముందువైపు 15 మెగా పిక్సెల్ కెమెరాను అందించారు.
4జీ వోల్టే, వైఫై, మైక్రో యూఎస్‌బీ పోర్టు, బ్లూటూత్ వీ4.2, జీపీఎస్, గ్లోనాస్, వంటి కనెక్టివిటీ ఫీచర్లు ఈ స్మార్ట్ ఫోన్‌లో ఉన్నాయి. యాక్సెలరోమీటర్, యాంబియంట్ లైట్ సెన్సార్, ప్రాక్సిమిటీ సెన్సార్లు కూడా ఇందులో అందించారు. దీని మందం 0.95 సెంటీమీటర్లుగానూ, బరువు 204.7 గ్రాములుగానూ ఉంది.
