మాములుగా సినిమా స్టార్లకు, క్రికెటర్లకు ఫ్యాన్ ఫాలోయిగ్ ఒక రేంజ్ లో ఉంటుంది. ఇక రెండు డిఫరెంట్ ప్రొఫెషన్ లో ఉన్న సెలేబ్రిటిలు ఒకే చోట కలిస్తే ఇక అంతే. ఇక్కడ అదే జరిగింది. ఒకరు ఇళయ తలపతి , మరొకరు ఐపీఎల్ లో చెన్నై సూపర్ కింగ్స్ దళపతి… ఇద్దరూ కలిస్తే ఆ సందడే వేరు. టీమిండియా మాజీ సారథి, సీఎస్కే కెప్టెన్ మహేంద్ర సింగ్ ధోనీ ఇటీవల చెన్నైలో పర్యటించారు. ఈ సందర్భంగా తమిళ సూపర్ స్టార్ విజయ్ ను కలిశారు. విజయ్ ప్రస్తుతం నెల్సన్ కుమార్ దర్శకత్వంలో ‘బీస్ట్’ సినిమాలో నటిస్తున్నారు. ఈ మూవీ షూటింగ్ ప్రస్తుతం చెన్నైలోని గోకుల్ స్టూడియోస్ లో జరుగుతోంది. షూటింగ్ స్పాట్ కు వెళ్లిన ధోనీకి విజయ్ సాదరంగా స్వాగతం పలికారు. ఈ సందర్భంగా ఇరువురు అనేక అంశాలపై మాట్లాడుకున్నారు. దీనికి సంబంధించిన ఫొటోలు నెట్టింట సందడి చేస్తున్నాయి.
